Senator Pimentel, mibarug nga wala na-impluwensyahan ni FPRRD sa pagdungog sa war on drugs!

GIBARUGAN ni Senator Aquilino “Koko” Pimentel nga wala kini na-impluwensyahan ni former President Rodrigo Duterte sa gipahigayong imbestigasyon sa Senado sa war on drugs sa kanhi administrasyon!
Matud ni Pimentel nga dili na kini supporter sa kanhi Presidente, wala na sila’y komunikasyon ug dili na usab sila close.
Gipamugos sa Senador nga sundon niini ang ebidensya sa imbestigasyon.

“…I’m no longer his supporter now, so we have our political differences, we do not communicate, hindi na kami close, and he has absolutely zero influence over me specially on the way I think, when I write the committee report, our past relationship, our past friendship, our past dealings will have zero influence over me…”
Senator Aquilino “Koko” Pimentel.

Dumduman nga kanhi supporter ni Duterte si Pimentel ug mitabang sa Presidential campaign.
Susama usab sila nga myembro sa Partido Demokratiko Pilipino-Lakas ng Bayan kon PDP-Laban.
Apan nagkabulag tungod sa internal party dispute nga pending karon sa Korte Suprema.
Una niini, gibatikos si Pimentel tungod sa pagtugot nga gawasnon nga makasulti ang kanhi Presidente lakip na ang paghatag og side comments ug pagluwat og mga bastos nga pulong.

SOURCE: RADYO 630/ABS CBN news
Photo Source: GMA