Paghapak sa kusog nga balod sa Zone 1 Lower Bantiles, Barangay Bugo ning ciudad, gibana-banang napulo (10) ka balay apektado!
GIBANA-BANANG napulo (10) ka balay ang apektado sa paghapak sa kusog nga balod kagabii sa Zone 1 Lower Bantiles, Barangay Bugo ning ciudad!
Sa maong ihap giingong tulo (3) ang totally damage.
Matud ni Roland Caros, usa sa apektado nga alas 10 sa gabii nasinati-an ang kusog nga balod.
Mihikling sa covered court ang mga residente dala ang pipila ka gamit.
Kanunay usab nga masinati-an sa lugar ang kusog nga balaod ilabina kung adunay bagyo.
“..mga alas 10 sa gabii, bintaha na lang karon nga oras kay medyo nilurang na lugar. Kato gyung pagsugod, na didto sa skwelahan jud murag mu tugpa ang balod grabe jud ka dako high tide gyud. Nag hinayhinay lang mig bakwit padulong sa skwelahan, amo lang gi kuan ang among mga gamit sama sa TV, radyo, mga sanina pero naa gyuy uban nga wala. Kung wala ko nasayop naa sa napulo ka balay, naa gyuy totally damage mga tulo guro..”
Rolan Caros, usa sa residenteng apektado sa paghapak sa kusog nga balod.
SOURCE: SR LIVE
Photo: SR Files
