Councilor Judith buot mahibal-an ang status sa gipahigayong DNA extracting sa NBI sa mga namatay sa bagyong sendong nga wala naila human giingong gipadamgo ang mga kabanay!

BUOT ni Councilor James Judith nga pangayoon ang resulta o status sa gipahigayong DNA extracting sa National Bureau of Investigation kon NBI-10 sa mga patay’ng lawas sa mga biktima sa bagyong sendong niadtong 2011!
Nga hangtod karun wala pa maila nga kasamtangang ana-a sa concrete vault sa City Memorial Park sa Bolonsori, Camaman-an.
Nunot kini sa gi-special report sa Konsehal atol sa ika-100 nga regular session sa 20th City Council kagahapong adlawa.
Human giingong pipila sa kabanay sa mga biktima sa bagyong sendong ang gipadamgo sa ilang mga minahal sa kinabuhi.
Matud ni Councilor Judith nga giingong dili mahiluna ang ilang kalag kung dili sila mapahiluna sa eksakto.

“…sa laktud nga pagkaistorya wala pa gyud nahaluna ang kining mga patay lawas pinaagi sa seremonya sa paglubong. Adunay mga pipila nato nga kaigsuonan nga nidangop kanako o misulti na sila gipadamgo ang ila kunong minahal sa kinabuhi nga biktima sa sendong, nagpadamgo kuno sa ila nga dili kuno mahiluna ang ilang kalag kung dili mahimutang ang ilang patay nga lawas. Wala man gani sila nasayod nga sulod anang concrete vault mao katong wala pa mailhi nga dul’an 300 sa mga patay’ng lawas nga biktima sa typhoon Sendong. Kung wala ko mismo niadto sa maong lugar , dili gyud masayod ang uban natong kaigsuonan. For the interment of the unidentified victims of typhoon Sendong and second resolution, respectfully requesting the National Bureau of Investigation for status of update of the DNA extracting..”
Councilor James Judith

SOURCE: CDEOCITYCOUNCIL
Photo: CDEOCITYCOUNCIL