COCPO gitakdang ipatubag sa PRO-10 nunot sa kontrobersyal nga performance sa Flag raising ceremony kaganihang buntag!

GITAKDANG ipatubag sa Police Regional office kon PRO-10 ang Cagayan de Oro City Police office kon COCPO!
Nunot sa kontrobersyal nga performance niini atol sa flag raising ceremony City hall kaganihang buntag.
Taliwala kini sa pagkamatay ni Police Station 2 Cogon Commander Police Capt. Abdulcajar Armama.
Matud ni PRO-10 Spokesperson Police Major Joann Navarro nga hinuon nakita nila’ng maayo ang intension sa Kapulisan apan dili appropriate ang timing.

“…nagpakanaog kini siya og direktiba to shed light to take COCPO to explain sa maong presentasyon kay aduna man gud mga issues nga milugwa kabahin sa maong presentation nila, but then tungod usab sa rason usab nga to shed lights sa katong ilahang presentation during the flag racing ceremony nga nahitabo sa City hall, matagaan nato og kalinawan, initially ato sad nakita nga the intention is good but the timing no, ang timing siguro is inappropriate…”
PRO-10 Spokesperson Police Major Joann Navarro

Una nang nangayo og dispensa ang COCPO sa nahitabo.
Matud ni COCPO Spokesperson Police Lt. Col. Evan Viñas nga nakatakda na ang ilang pag-host sa flag raising activity sa City Hall taliwala nga nakalasan sila og usa ka kauban.

“…mangayo lang mi og dispensa gyud sa atong mga tigpaminawan. Tinuod no, realidad, adunay nahitabo sa atong hanay kalasan kitag kauban ug gi schedule nani ang atong kuwan no, kita sponsor sa City Hall Monday Convocation. Mao na siya nga bisan pag adunay trahedya nahitabo sa hanay sa kapulisan sa dakbayan sa Cagayan de Oro, pagkawala ni Capt Armama, atong giperform ang atong tahas. Hinaut unta masabtan ta sa atong mga kaigsuonang Kagayanon…”
COCPO Spokesperson Police Lt. Col. Evan Viñas

SOURCE: SBPSH
Photo: Rolando A. UY