Police Station 2 Cogon Commander Police Capt. Armama, giingong nakadawat og death threat una giluthang-patay!

GIINGONG nakadawat og death threat si Police Station 2 Cogon Commander Police Capt. Abdulcajar Armama una kini giluthang-patay!
Matud ni COCPO Spokesperson Police Lieutenant Col. Evan Vi؜ñas nga giingong aduna kini kalabotan sa mga nahitabong shooting incident sa iyang Area of Responsibilities kon AOR.
Gibutyag nga dul’ag usa ka bulan na kini’ng gimanmanan sa usa ka kadudahang tawo ug base sa CCTV footage nagtukma ang description niini sa mipusil-patay sa Commander.
Duha ka lalaki ang nakita sa CCTV footage, diin nagsilbi’ng lookout ang usa ka lalaki.
Gidugang ni Viñas nga nawala ang armas ni Armama ug posible’ng giilog o gikuha kini sa suspek.

“..ako mismo nakahinabi kami nga adunay bahad sa iyang kinabuhi mahinumduman nimo nga adunay nahitabo nga pagpangluthang patay pod diha sa iyang area of responsibility labi na sa Camaman-an, Pinikitan. Mao pod ni gitutokan sa atong mga imbistigasyon. Istorya sa nakakita adunay 2 ka lalaki kanunay nilang makita ga motor, gatuo kita nga isa ato look out isa ato trigger man dili pod ta mo kuan nga naay kauban lain nga puli puli sa iyang area. Maoy pagtuo sa atong investigator on case kay wala sa iyang pudir ang issued fire arms..”
COCPO Spokesperson Police Lieutenant Col. Evan Vi؜ñas

Samtang, gipamugos ni City Mayor Rolando “Klarex” Uy Spokesperson Jann Guillmore Actub nga dili election-related ang pagpusil-patay kang Armama!

“..dili man sad ni matawag nga election related hilabi na nga adunay initial nga investigation gibuhat ni Col. Radam uban sa tanang pwersa sa kapulisan, timing lang nasulod siya sa election period…”
City Mayor Rolando “Klarex” Uy Spokesperson Jann Guillmore Actub

SOURCE: P.I#16
Photo: SR FILES