Local civil registries nga giiingong nag-isyu og birth certificates pinaagi sa late registration sa mga foreign nationals, ipatawag sa pagdungog sa Senado!

IPATAWAG sa pagdungog sa Senado ang pipila ka local civil registries nga giiingong nag-isyu og mga birth certificates pinaagi sa late registration sa mga foreign nationals!
Nabutyag sa Senate Resolution No. 1200 nga giduso nilang Senators Loren Legarda ug Raffy Tulfo, ang report sa National Bureau of Investigation kon NBI nga anaa sa 1, 200 foreigners nga gituohang Chinese nationals ang nakakuha og birth certificates sa Sta. Cruz, Davao del Sur sukad 2016, diin pipila kanila ang gidudahan nga adunay criminal records.
Nahisgutan usab ang report sa Philippine Statistics Authority kon PSA nga niadtong 2022, 1.3 million ka births ang na-rehistro sa eksaktong panahon samtang 127, 919 ang births nga na-rehistro 30 ka adlaw o sobra human gi-anak.
Matud sa duha ka Senador nga maka-alarma ang datus sa PSA kalabot sa discrepancies sa birth certificate registration, lakip ang 308 nga peke nga certificates nga gigamit sa aplikasyon sa passport tali Enero hangtud Setyembre 2023.

SOURCE: Philstar
Photo Source: PHILSTAR