Lalaki nga nanigarilyo sa Gitagum, Misamis Oriental, nakilatan patay!
NAKILATAN-PATAY ang usa lalaki sa Purok 2, Barangay Burnai, Gitagum, Misamis Oriental!
Biktima giilang si Dennis Bacullo Oco, 49-anyos, ulitawo ug residente sa nahisgutang lugar.
Base sa inisyal nga imbestigasyon kauban sa biktima ang laing 11 ka individual nanilong sila sa Kamalig sa mga mananagat tungod sa kakusog sa ulan.
Giingong nanigarilyo ang biktima ug iya kini’ng gidagkotan pinaagi sa lighter.
Apan kalit lamang kini nga gidakop sa kilat, hinungdan nga naigo kini.
Matud ni Gitagum Municipal Police Station Officer In-Charge Police Major Stephen Latar nga nadala pa ang biktima sa balay-tambalanan apan gideklarar nga dead on arrival.
“…base pud sa among initial nga pag tuki o imbestigasyon, kusog kaayo ang ulan ug adunay pagkilat ug pag dalogdog, giingon pa nga kini atong biktima uban sa iyang mga kauban, more or less 11 ni sila kabuok nga naa sa Kamalig sa mananagat duol sa Bay-bay sa Purok 2 Barangay Burnai, samtang kamulo siya nanigarilyo nibunot siya sa iyang lighter og ni dagkot sa sigarilyo pag dagkot niya sumala pa saiyang mga kauban mao daw ang naka attract sa kilat daw…”
Gitagum Municipal Police Station Officer In-Charge Police Major Stephen Latar.
SOURCE: #16
Photo Source: GMAPS
