Asawa nga gipusil sa bana sa Valencia City, pabiling nagpaalim sa NMMC!

PABILING nagpaalim sa Northern Mindanao Medical Center kon NMMC ang usa ka asawa nga magtudtudlo sa Barangay Mailag, Valencia City Bukidnon!
Human pusila sa iyang bana sulod sa ilang panimalay kagahapong adlawa.
Matud ni Police Regional Office kon PRO-10 Spokesperson Police Major Joan Navarro nga naka-angkon sa usa ka samad-pinusilan sa ulo ang asawa gamit ang kalibre 45 nga armas.
Gilantaw sa kapolisan nga selos ang posible’ng hinungdan sa pagpamsuil.
Una nahitabo ang pagpusil sa asawa, gikuha sa bana ang ilang menor de edad nga anak ug gidala sa panimalay diin nahitabo ang pag-iniloga sa kustodiya sa bata hinungdan nga nagpakitabang ang biktima.
Hinuon, gitugotan sa amahan ang bata nga mouban sa inahan apan sa ilang panag-hisgot wala sila magdahom nga mo-resulta kini sa biolente nga insidente tungod maayo ang ilang paghinabi.
Human gipusil sa bana ang asawa, midagan kini sa kwarto og gipusil ang kaugalingon.
Naka-angkon usab kini og samad sa ulo nga nagresulta sa iyang kamatayon.
Sutaon usab sa kapolisan kung asa nakakuha og armas ang bana nga suspsek.

SOURCE: SBSB
Photo Source: SRLIVE