Food delivery rider nabanggaan-patay sa giingong pribadong sakyanan sa Valenzuela Road, Agora, Barangay Lapasan ning ciudad!
PATAY ang usa ka food delivery rider human nabanggaan sa giingong puti nga SUV kaganihang kadlawon!
Naila ang biktima nga si Kris Leuver Hallasgo Ventic, 37 anyos, ulitawo ug taga Phase 2 NHA, Barangay Kauswagan ning ciudad.
Matud ni COCPO-TEU Investigator PMSG Reynante Santos nga nagsubay ang duha ka sakyanan sa Valenzuela Road, Agora, Brgy. Lapasan ning ciudad.
Giingong nagsunod ang sakyanan sa motorsiklista ug midumbol sa likod nga bahin hinungdan nga milagpot ang biktima ug na-mumo sa semento nga dalan nga nag-resulta sa severe injury.
Nadala sa NMMC ang biktima apan gideklarang Dead on Arrival.
Sutaon sa kapolisan ang CCTV footage sa area.
“..gikalambigitan kini siya sa usa ka motorcycle ug usa ka alledge nga white nga four wheel vehicle. Diin ang kining motorcycle driver no ah gimaniho kini, usa kini ka food panda delivery. Diin nagsubay kini sila didto sa may Valenzuela Road heading didto sa may pure gold. Atong nahimamat didto nga mga witnesses nga sumala nila nga ang kining maong motorsiklo, nagsubay kini siya didto sa dalan Valenzuela ug kining sakyanan mga mahintungdan ‘no sa pagkadisgrasya gasunod kini sa iyaha diin gidumbol kini didto sa iyang likod nga bahin, no. Resulta nga kini nalagpot kini og numumu ddito sa dalan semento hinungdan nga nakaangkon kini og severe damage sa iyahang lawas og kini pod siya gidala kini dayon sa atong kauban sa oro rescue didto sa may provincial hospital apan dead on arrival nga niabot sa hospital…”
COCPO-TEU Investigator PMSG Reynante Santos
SOURCE: SR LIVE
Photo: SR Files
