CDO 1st District Congressman Suan uyon sa gisugyot ni House Speaker Romualdez nga lugwayan ang termino sa Barangay ug SK Officials ngadto sa unom ka tuig!

UYON si 1st District Representative Congressman Atty. Lordan Suan sa gisugyot ni House Speaker Martin Romualdez ug laing unom ka House leaders nga House Bill No.10747 nga nagtinguha sa paglugway sa termino sa Barangay ug Sangguniang Kabataan Officials ngadto sa unom ka tuig!
Matud ni Suan nga mas maka-promotar kini og continuity ug stability sa Barangay Governance.
Nagtuo kini nga mahinungdanon ang strong nga connection sa grass roots level nga mao ang Barangay ug ang gobyerno.

“..mas lig on, mas maka promote og continuity og stability sa barangay governance unya mas long term na panglantaw ba kay kung short term ra sad kaayo ang atong mga barangay officials medyo costly sa atong gobyerno, especially nga ang barangay og SK officials sila moy naa sa grassroots. Ako gatuo ko nga mao nay pinaka importante nga, strong ang connection sa government ug sa grassroots level ug kung himuon siyag six years mas beneficial gyud na siya, nalipay sad ko nga mao na siya ang direksyon sa house leadership ubos ni Speaker Martin Romualdez ug siyempre supportive man kaayo ta sa mga programa sa atong house leadership, so mo moduyog gyud ta ana nga sugyot sa atoang Speaker…”
1st District Representative Congressman Atty. Lordan Suan

Samtang, i-sugyot ni Suan nga sa Oktobre 30, 2029 ang sunod nga Barangay election.
Susama ang tumong nga mapalig-on ang Barangay Officials diin dili tulo ka tuig ang eleksyon o susama sa mi-aging eleksyon nga duha ka tuig ang ilang termino.

“…mag-file pod kog akong kaugalingong version ana nga bill mao lagi six years para sa barangay and SK officials. so ma0-mao ra gihapon among tumong ani ang pag- strengthen sa atoang barangay officials nga dili kada tulo ka tuig ang ilang pag pag-eleksyon o ilabi na katong nilabay nga eleksyon nga mahimo silang duha ra katuig so murag kwaki kaayo siya ba nga two years ra ilahang terms okay gihapon kung himuon na siya og six years, so karong October 30 2029 ang atong ipropose nga sunod nga barangay elections, October 30 2029…”
1st District Representative Congressman Atty. Lordan Suan

SOURCE: SHV
Photo:Atty. Lordan Suan