Bank accounts ug property ni Pastor Quiboloy ug KOJC, gipa-freeze sa CA!

GIMANDO sa Court of Appeals kon CA ang pag-freeze sa bank accounts ug properties ni Kingdom of Jesus Christ kon KOJC founder Apollo Quiboloy ug uban pa!
Sa gipagawas nga 48 ka pahina sa resolution, nagpagawas ang appellate court og freeze order batok sa napulo ka bank accounts, pito ka real properties, lima ka motor vehicles, ug usa ka aircraft sa Pastor.
Naglakip ang kamandoan sa bank accounts sa KOJC ug Swara Sug Media Corporation, nga nag-operate sa Sonshine Media Network International kon SMNI.
Matud sa Korte nga nakakita sila og reasonable ground nga nalambigit ang bank accounts ni Quiboloy sa mga “unlawful activities ug predicate crimes” sama sa qualified human trafficking, sexual and child abuse, sex trafficking of children, fraud, conspiracy, marriage fraud, smuggling ug money laundering, ug uban pa.
Epektibo gilayon ang freeze order sulod sa 20 ka adlaw.
Samtang, nagdumili ang abogado ni Quiboloy ug KOJC nga maghatag og komento tungod wala pa sila nakadawat og official copy sa kamandoan.

SOURCE: GMA NEWS
Photo: GMA Network