Lalaki, patay human nadat-ugan og truck sa Brgy. Kauswagan ning ciudad!
PATAY ang usa 45 anyos nga driver human nadat-ogan og canter truck sa Villa de Oro, Brgy. Kauswagan ning ciudad karung buntag!
Ang biktima giilang si Ronnel Cabuco, taga Bukidnon.
Matud ni RTA Spokesperson James Andrade nga sa initial nga imbestigayon, nag-ayo ang biktima sa ilalom nga parte sa truck, apan posibleng nalimtan niini pag-palong ang sakyanan hinungdan nga midagan kini ug miresulta sa pagka-ligis sa biktima.
Gidugang pa ni Andrade nga kargado og puthaw ang canter truck nga gitakdang i-deliver sa usa ka construction site sa ciudad.
“..initial nato nga investigation atong ankoptan nga naay 45 years old nga laki nga medyo naay guba sa iyang countered type nga vehicle unya medyo descending or ascending pagkabutang sa uyang sakyanan nga kargado kini og mga puthaw mao ng medyo bug-at iyang sakyanan unya naa siya gi-ayo sa ilalom sa iyang sakyanan unya wala guro na handbrake that’s why naay pag atras nga nahitabo og nakabsan intawon sa kinabuhi ang tao. Gumikan pod sa pagtawag sa atong traffic unit og naka responde pod diretso ang enforcement unit sa pulis ug didto na abtan gyud nato ang insidente. Of course atong nadawat na report padulong o naa ni siya i-deliver kining mga puthaw niya gikan siya sa usa ka shop usa ka merchandise company nagpalit unya i-deliver niya sa usa ka construction site..” –
RTA Spokesperson James Andrade
