Deployment sa COCPO alang sa pagbukas sa Higalaay Festival, sugdan alas 2 sa hapon!
SUGDAN alas 2 sa hapon ang pag-plastar sa Cagayan de Oro City Police Office kon COCPO!
Alang sa pagbukas sa Higalaay Festival 2024.
Matud ni COCPO Spokesperson PLt. Col. Evan Viñas nga all set na ang kapolisan sa entrance, exit ug sa palibot alang sa seguridad sa katawhan.
Sa susamang oras himuon sa EOD ug K-9 Units ang paneling ug pag-sanitize sa venue.
“..atong City Director Col. Salvador Radam naghatag nag kamanduan nga alas dos pa sa hapon mag position na ang atong mga security personnel gani ing ana nga takna ang atong EOD ug K-9 units nagpahigayon og paneling ug pag sanitize sa maong venue para sa kasiguruhan sa maong grand launching sa atong Higalaay Festival 2024. Ang atong entrances ug exits naa atong security personnel ug counterpart sa other government agencies labi na sa local government Unit ug encounter part sa Armed Forces of the Philippines, Task Force Oro, Philippine Coast Guard, PNP Maritime. Bureau of Fire, USAR, RTA ug lain pang kaabag sa pagpatunhay sa kahusay ug kalinaw sa atong dakbayan nunot sa kapistahan..”
COCPO Spokesperson PLt. Col. Evan Viñas
Gihulatan usab nila ang approval sa National Telecommunications Office kon NTC-10 alang sa signal jamming.
“…ato na lang gihulatan ang approval sa National Agency labi na ang NTC ug karong hapon sila na mismo ang NTC maghatag og signal kung duna bay mahitabo nga signal jamming…”
COCPO Spokesperson PLt. Col. Evan Viñas
SOURCE: SHV
Photo: SR Files
