COWD BOD Caño nagtuo nga dili opinion ang gipagawas sa OGCC kabahin sa intervention sa LWUA!

NAGTUO si Cagayan de Oro Water District kon COWD Board of Director Gerry Caño nga dili opinion ang gipagawas sa Office of the Government Corporate Council!
Kabahin kini sa intervention sa Local Water Utilities Administration kon LWUA sa COWD.
Matud ni Caño nga wala natubag sa OGCC ang ilang pangutana kabahin sa gihimo nga take over sa LWUA.
Nagtuo usab kini nga naghatag lamang og dugang kagubot ang gipagawas nga opinion.
Tungod nagbilin kini og daghang pangutana.
Nakurat si Caño nga nalakip sa sulat ang kasong nga gisang-at sa hukmanan diin wala nila kini na-mention sa ilang sulat ngadto sa OGCC.

“…ang opinyon nga gipagawas sa OGCC dili siya opinyon actually kay ang atong gipangutana ang legalidad man pero imung makita sa ilang tubag wala man sila nag hisgot gale sa legalidad, mao na nga sa ilang gihigutan wala man gyud nag hatag og categorical nga tubag pinasikad sa balaod diin mao atong hangyu ug request niadtong Mayo pinasikad sa atong sulat opisyal ngadto sa OGCC…”

Una nang gikakurat ni BOD Caño nga aduna na’y nadawat nga kopya ang mga media outlet sa opinion sa kon OGCC nga wala pa makadawat og opisyal nga kopya ang COWD.

“…unang-una nahibulong ug nakugang kaayo kita, nganong dunay mga media outlet dinhi sa Cagayan de Oro nga nakakuha ug unang kopya nianang maong resolution nga wala paman gale kita nakadawat og opisyal nga kopya sa Cagayan de Oro City Water District kung diin kana nga opinyon didto gi-address…”
COWD Board of Director Gerry Caño.

Hisayran nga base sa position nga gipagawas sa OGCC nga naka-address kang COWD General Engr. Antonio Young nga kinahanglang kining mo-comply ug ang BODs sa LWUA Resolution, respetuhon ang intervention sa LWUA sa COWD ug tugutan ang Interim BODs ug Interim General Manager nga i-perform ang ilang gahum ug duties.

SOURCE: SBPSH
Photo Source: RAPPLER