Nahitabong buhawi sa Opol Misamis Oriental, wala’y casualties sigun ni Mayor Bago!

NAGPADAYON ang assessment sa Opol Misamis Oriental Disaster Risk Reduction and Management Office kon MDRRMO sa nahitabong buhawi sa lugar!
Matud ni Opol Mayor Jay Francis Bago nga base sa inisyal nga nakuhang impormasyon paingon ang direksyon sa buhawi sa Agutayan Island sa Jasaan Misamis Oriental.
Sa initial wala’y natalang casualties o damages sa nahitabong buhawi.

“…grabe gyud nga monitor, sa tinuod daghan gyud kaayo naka video gyud naa man gyud sa tugkaran namo ang maong buhawi wala man pud mga damyos or casualties pud so far sa initial report pero naa pa gihapon ang Misamis Oriental Disaster Risk Reduction and Management team didto sa area kung asa nag sugod dapita ang maong buhawi…”
Opol Mayor Jay Francis Bago.

Samtang mi-abiso si DOST-PAG-ASA Weather Specialist Jun Privaldo nga mahimo kini’ng makahatag og kadaot sa mga panimalay ug ingon man sa kinabuhi sa tawo.
Hinungdan nga gihangyo ang katawhan nga mopalayo niini ug dili magpaduol.

SOURCE: SBPSH
Photo Source: Rodel Bangasao Gabutan Libor