Local Civil Registrar Head sa Sta. Cruz, Davao del Sur nga nag-isyu og palsipikadong birth certificate, gipadalhan og show cause order sa lokal nga pangagamhanan!
GIPALDAHAN og show cause order sa lokal nga pangagamhanan sa Sta. Cruz, Davao del Sur ang hepe sa Local Civil Registrar Office nga nag-isyu og palsipikadong birth certificate sa 200 ka Chinese national!
Matud ni Sta. Cruz, Davao del Norte Mayor Jose Nelson Sala Sr., nga ilang pangayuan og eksplenasyon hangtud ugmang adlawa ang hepe sa Local Civil Registrar nga na-assign sukad pa 1994 hangtud 2024.
Gitang-tang na usab kini sa katungdanan Abril 1, 2024 ug gibalhin sa Municipal Agriculture Office aron mahatagan og dalan ang imbestigasyon.
Nagmugna usab og fact finding committee ang lokal nga pangagamhanan aron imbestigaran ang pag-isyu og palsipikadong dokumento sa mga gakuha og late birth registration.
Ang fact finding committee gilangkuban sa municipal legal officer, municipal assessor ug pipila ka consultant.
Dugang sa Mayor nga sukad 2016 hangtud 2024, kapig libo na ka birth certificate ang na-isyu sa late birth registration.
“…gitanggal na nato ni siya as a head sa LCR, kay isa-isahon man gyud nimu na adtoon nimung lugar, tanawon nimu tanan, so kanang gisulti nga 200 dili pana mao…”
Wala usab kahibalo ang Mayor kung adunay mga fixer o sindikato sulod sa Local Civil Registar.
Lakip sa imbestigaran ang Municipal Treasurers Office.
“…ang mga sindikato sa LCR sa LGU murag tanaw nako wala…”
Sta. Cruz, Davao del Norte Mayor Jose Nelson Sala Sr.
Samtang, midalikyat ang National of Bureau of Investigation kon NBI-11 ang local civil registrar’s office aron kuhaon ang uban pang birth certificate nga gi-isyu sa late birth registration.
Matud ni NBI-11 Director Atty. Arcelito Albao nga anaa sa 1, 200 ang late register apan ang ihap wala nagpasabot nga questionable ang tanan tungod gi-usa usa pa nila pagsuta ang dokumento.
Gawas sa Sta. Cruz, imbestigaran usab sa NBI ang ubang Civil Registrars Office sa Davao.
“…base kahapon sa mga ibinigay nasa 1,200 yung late registered, doesn’t mean na ito yung mga questionable lahat iniisa-isa pa natin pag check, doesn’t mean itong 1,200 is falsified meron din ditong nag process ng maayos…”
NBI-11 Director Atty. Arcelito Albao
SOURCE: UNTV
Photo Source: PSA
