Driver sa forward truck nga nakalatay-patay sa back rider sa motorsiklo sa Tagoloan, Misamis Oriental, posible’ng pasakahan og kaso kung dili magka-amicable settlement tali kabanay karong adlawa!
POSIBLENG pasakahan og kaso ang driver sa forward truck nga nakaligis patay sa usa ka back rider sa motorsiko kagabii!
Kini kung wala’y mahitabong amicable settlement tali sa driver sa truck ug pamilya sa biktima karong adlawa.
Matud ni Misamis Oriental Police Provincial Office Spokesperson PLt. Roberto Llausas nga gihan-ay na sa kapolisan sa Tagoloan Misamis Oriental ang kasong reckless imprudence resulting to homicide batok driver sa truck.
“…Kabali ang investigator o buhatan sa Tagoloan police station, duna na silay mga sketch nga gihimo, kining pag-ready sa case folder para sa kasong pagatubangon aning driver. So kung ugali dili sila magkasinabot karon adlawa, posible karong adlawa i-file ang kaso ngadto sa korte. Kung walay amicable settlement nga mahitabo kay kung atong sabton nakasunod naman ang driver sa truck sa base sa description sa maong insidente. So posible incident ra gyud ni siya wala tuyua gitawag nga reckless imprudence resulting to homicide against sa truck driver…”
Misamis Oriental Police Provincial Office Spokesperson PLt. Roberto Llausas
Una niini, dead on spot ang backrider sa motorsiklo samtang samaran ang driver human nalatyan sa forward truck sa National Highway Zone 15, Ganghaan, Sta. Cruz, Tagoloan, Misamis Oriental!
Naila ang backrider nga si Jecelle Cosmiano, 26 anyos, single ug residente sa Zone-2 Katipunan, Villanueva, Misamis Oriental samtang ang samaran naila nga si Lee Vincent Pacquiao, 23 anyos, single taga Morning Mist Village, Upper Carmen, Cagayan de Oro City.
Naila ang driver sa forward truck nga si Jose, Cañadilla Aquino, 41 anyos, meny, taga Purok Masilakon 1, Poblacion, Lugait, Misamis Oriental
Matud sa initial nga imbestigasyon susama ang direksyon sa forward truck ug motorsiklo nga gikan og Villanueva paingon sa Tagoloan ug pag-abot sa nahitaboan sa insidente, giingong gikan sa shoulder lane ang motorsiklo ug migawas paingon sa outer lane apan nadigyas tungod sa kabasa sa dalan hinungdan nga milagpot ang back rider sa direksyon sa truck ug aksidenteng nalatayan.
SOURCE: P.I/#27/Sketchy report
Photo: X
