Duha ka radio stations sa Misamis Oriental, posibleng isyuhan og cease and desist order!

POSIBLENG isyuhan og cease and desist order ang duha ka radio stations sa Cagayan de Oro City ug Laguindingan, Misamis Oriental !
Human giingong nag-operate nga wala’y pay authority to operate.
Matud ni National Telecommunication Commission kon NTC-10 Regional Director Ted Buenavista nga gipadala nila sa central office ang resulta sa ilang gipahigayong inspection sa nahisgutang radio station.
Giklaro usab sa Director nga wala’y kamatuorang adunay unom ka bulan nga mahimong mag-operate ang radio station samtang nag-apply pa og authorization to operate.
Tungod magpetisyon pa aron ma-aprobahan ang authority to operate ug una lamang kini aprobahan human sa ipahigayong sunod-sunod nga hearing.

“..wala pa siyay order gikan sa atong mga commissioners. Ang ako lang na confirm na inspect lang, na inspect na, na investigate na dayun atong report napadala na sa central office kung naa ba ilang decision kay atong hulaton. Ang findings nila walay mapakita nga naa na silay authority mao na dili pa kita kabalo kay sa central office maggikan ang authority kung verify nga nag operate na, ang next whether they are authorize to operate didto na karon sa central office. Ang usa naa sa Laguindingan, ang usa naa sa Cagayan de Oro…”
National Telecommunication Commission kon NTC-10 Regional Director Ted Buenavista

SOURCE: SBPSH
Photo:Adobe Stock