Karakter ni Pinky Amador sa teleseryeng “Abot Kamay na Pangarap”, bag-o na!
BAG-O ang karakter ni actress Pinky Amador sa kasamtangang teleserye niini matag hapon nga “Abot Kamay na Pangarap”!
Papel niini sa teleserye ang mahimong Morgana Go.
Sa bag-ong papel sa actress nabulabog ang mga gatan-aw sa teleserye tungod dili ikalimod nga si Bamban Tarlac Mayor Alice Guo ang nahimong inspirasyon sa writer sa storya sa karakter ni Morgana Go.
Suot ni Morgana ang cheongsam, ang tradisyonal nga senina sa kababayen-ang Instik.
Pinaagi sa make up, gihimong pikot ang mata sa actress ug tataw nga gi-awat si Guo nga mibarog nga usa ka Pilipino ug midako sa farm apan wala makahinumdum sa iyang kasinati-an kaniadto.
Sa storya sa teleserye, daghan ang nagtuo nga usa ka tawo si Morgana ug Moira Rutaquio, ang kontrabida nga karakter ni Pinky nga una nang namatay.
Gipakita sa usa ka eksena nga gi-imbestigaran si Morgana nilang Richard Yap, Chuckie Dreyfus, Che Ramos ug Dina Bonnevie kalabot sa iyang pagkabata.
SOURCE: Pep
Photo:YouTube
