Councilor Judith, gipasabot ang wala’y basehan nga pag-intervene sa LWUA sa COWD human sa gipagawas nga legal opinion sa DOJ!
GIPASABOT ni Councilor Atty. James Judith ang giingong wala’y legal nga basehan ang Local Water Utilities Administration kon LWUA sa intervention niini sa Cagayan de Oro Water District kon COWD!
Human sa gipagawas nga legal opinion sa Department of Justice kon DOJ kalabot sa pag-intervene sa LWUA sa COWD.
Matud ni Councilor Judith nga usa sa rason niini nga wala’y utang ang COWD sa LWUA aron mo-intervene kini.
“….wala man ingon nga gikatigan bali or dili haom sa ila ang gigamit nila nga legal basis kunohay. Wala silay legal basis kay kung imong tan awon ang ilang pag take over kung tan awon nila wala man nakautang si COA na gani nag ingon wala man nakautang si Water District kung nakautang man siya dili siya delikwente so sa laktod nga pagka istorya ang issue ra man dinhi si Water District ang iyang contractual relation ni COBI unya pribado mana nga kompanya si COBI. Wala mana naingon sa katong balaod nga pwede ka mag take over kung pananglit nakautang ba ang Water District kang LWUA lahi man tawon ni nga mananap si COBI dili mani siya si LWUA. Nakapaso na daan si LWUA sa iyang pag interbenar kang Cagayan de Oro Water District…”
Councilor Atty. James Judith
Una nang gipasabot ni Councilor Judith ang General rule sa pag take over sa LWUA.
“..ang general rule nga balaod nga dili maka take over si LWUA sa Water District apan naay higayon nga pwede siya exception to the general rule. Kung mag take over man gali si LWUA sa usa ka Water District dapat nakautang ni sa iyaha, ikaduha dapat wala na siya nakabayad o delekwete na siya unya gi abisohan siya bali ni LWUA ang kanang Water District og dili na siya makabayad grabe na siya ka delequent na siya ug ikatulo taliwala sa diskarte nga gihatag nga kahigayonan dili lang gihapon niya kaya nga masolbad ang maong problema di nila mabayran ang utang sa laktud ayha pa maka take over si LWUA..”
Councilor Atty. James Judith
Base usab sa kaugalingong panglantaw ni Councilor Judith sa maong isyu nga mahimong magpasaka og kasong Usurpation ang Regular General Manager ug Regular Board of Directors batok sa Interim Board ug Interim General Manager.
Tungod tataw na nga subay sa gipagawas sa DOJ nga wala’y legal bases ang intervention.
“…sakto pod to si Director Gerry Caño nga dapat nga magbakwit na balik ang interim board ug interim GM kay pwede nila gamiton as Usurpation o magpasakag kaso ang regular board ug regular GM kay matataw naman nga mismo ang DOJ nga maoy inahan ni OGCC mao mana ang labaw nga nagsulti na nga wala lagi legal basis, gi base nila sa atong balaud nga wala kay kapasikaran nganong nitudlo man kay interim board interim GM buot pasabot walay legal basis ayaw nag pagpadayon nga mag insistir paka diha kay matawag gyud na nga Usurpation of authority. Gibulabog na nuon nimo ang tanan so pwede nga magpasaka og kasog Usurpation ang mga regular board ug regular GM sa Water District batok sa interim board ug interim GM..”
Councilor Atty. James Judith
SOURCE: SHV
Photo: Google
