PRO-10 gisugdan na ang monitoring alang sa umaabot eleksyon!

GISUGDAN na sa Police Regional Office kon PRO-10 ang ilang monitoring alang sa umaabot 2025 elections!
Matud ni PRO-10 Information Officer Major Joann Navarro nga ilang gihingusgan ang joint pursuit operation aron mapakgang ang illegal nga druga ug pagpakaylap sa loose fire arms.
Tungod ilang gilantaw ang posibilidad nga ang proceeds sa illegal drugs magamit sa eleksyon ug ang loose fire arms magamit sa pagpanghadlok ug pagkutlo og kinabuhi sa mga botante.

“…nagsugod na kita sa atong mga monitoring, sa atong pagpahingusog sa mga law enforcement operation aron mapakgang nato kining illegal nga druga apil na usab pagpakalat niining mga loose fire arms. May posibilidad atong pagalantawon ang mga proceeds sa illegal drug kining drug money pwede kini gamiton sa mga modagan sa election and kining mga loose fire arms pwede gamiton sa pagpanghadlok pagkutlo ug kinabuhi…”
PRO-10 Information Officer Major Joann Navarro

SOURCE: SHV
Photo: Philippine Star