Naligo nga single mom sa beach resort sa Initao Misamis Oriental, nalumos-patay!

PATAY ang usa ka single mom human nalumos sa beach resort sa Initao, Misamis Oriental kaganihang alas 12:50 sa kadalwon!
Ang biktima usa ka 38 anyos taga Maramag, Bukidnon.
Matud Initao Municipal Police Station Investigator on Case Police Corporal Ricky Alagon nga naligo ug nag-inom ang biktima kauban ang iyang grupo apan wala kini mabantayi nga nagtambay na sa dagat ug nakatulog hinungdan nga nalunod.
Namatikdan ang biktima nga naglutaw sa dagat ug gidala sa hospital apan gi-deklarang Dead on Arrival.
Sa imbestigasyon sa kapolisan, wala’y foul play ang kamatayon sa biktima.
Dili na usab ipa-ubos sa autopsy ang lawas sa 38 anyos nga babaye.

“..nangaligo sila didto, nakainom na sila. So mao ang nahitabo ang ilang kauban nga biktima nga nalunod wala nila nabantayan nga naa na didto sa dagat didto na nagtambay. Tapos ilang nabantayan didto nakatulog daw tungod sa kahubog maong nalunod..”
Initao Municipal Police Station Investigator on Case Police Corporal Ricky Alagon

SOURCE: P.I/#27
Photo:GOOGLE MAPS