Makabayan Bloc, gikondenar ang planong pagdagan sa tulo ka lalaki sa pamilyang Duterte sa umaabot pili-ay!

GIKONDENAR sa Makabayan Bloc ang planong pagdagan nilang former President Rodrigo Duterte, Davao City Mayor Baste Duterte ug Congressman Duterte isip pagkasenador sa umaabot 2025 midterm elections!
Human gi-anunsyo ni Vice Presidente Sara Duterte kagahapong adlawa.
Matud ni House Deputy Minority Leader ug ACT Teachers Party-list Rep. France Castro nga makauulaw nga modagan ang pamilyang Duterte taliwala sa gi-atubang nga mga kaso sama sa ICC, confidential funds ug uban pa.
Gihulagway sa Kongresista nga bagag nawong ang pamilyang Duterte tungod taliwala sa tanang kakulian aduna pa silay nawong nga magpapili.
Gipunto usab ni House Assistant Minority Leader ug Gabriela Women’s party-list Rep. Arlene Brosas nga naka-anunsyo ang pamilyang Duterte sa planong pagdagan sa umaabot pili-ay apan wala silay panahon nga makatambong sa mga pagdungog sa Kamara kabahin sa gikalambigitan nga mga kakulian.
Samtang, gikakurat ni Senator Ronald “Bato” Dela Rosa sa anunsyo nga modagan pagka-senador silang former President Rodrigo Duterte, Davao City Mayor Baste Duterte ug Congressman Duterte isip pagkasenador sa umaabot 2025 midterm elections.
Apan, taliwala nga nakurat, nalipay ang Senador tungod dili sila magbaton og “lonely campaign” ni Senator Bong Go.

SOURCE: NEWS5
Photo Source: INQUIRER