Patay’ng lawas sa 15-anyos nga batang lalaki nga nalumos sa Barangay Kauswagan ning ciudad, gipahiluna na!

GIPAHILUNA na ang patay’ng lawas sa usa ka 15-anyos nga nalumos sa Pasil, Barangay Kauswagan ning ciudad!
Naila ang biktima nga si Angelo Gamayon Jr..
Base sa pamahayag ni Angelou Gamayon, igsuon sa biktima nga nananghid ang igsoon niini sa ayaan nga magbasok apan wala sila nasayod nga maligo kini sa suba kauban ang mga barkada.
Matud ni Gamayon nga nakurat na lamang kini human sila gipahibalo sa barangay sa nahitabo sa ilang igsoon.
Gibutyag usab niini nga alas 12 sa udto naligo ang biktima ug narekober ang patay’ng lawas alas 3 sa hapon.
Gidugang pa nga kabalo molangoy ang biktima apan pag-ambak niini mikawas ang laing bata hinungdan nga nagbangga sila.
Hinungdan nga nagtuo kini’ng nakuyapan ang biktima una naunlod sa tubig.

“..iyang pananghid ana magbasok daw sila then wala mi kabalo nga nangaligo diay siya kauban sa iyang mga barkada ra pod. Wala mi kabalo nakurat lang mi nga giadtuan mi sa barangay Kauswagan mga barangay tanod nga ing ana nahitabo. Dugay na daw nangaligo daw sila alas 12, 3:44 na namo siya na kuan. Kabalo mana siya molangoy ang naka apan lang naay bata nga gikan niha on sa tubig bangga sila maoy paglukso niya nabangga sila. Ang kato iyang kabangga naay samad sa ulo, actually naa siya lagom among duda nakuyapan na gyud na siya..”
Angelou Gamayon, igsuon sa biktima nga nalumos-patay.

SOURCE: SRLIVE
Photo:HealthXchange.sg