Motibo sa suspek sa pagdunggab-patay ug paggulgol sa ulo sa usa ka lalaki sa Claveria Misamis Oriental, giingong dumot!
GITUOHANG dumot ang motibo sa suspek sa pagdunggab-patay ug paggulgol sa li-og sa usa ka lalaki sa Sitio Bangon-Bangon, Patrocinio, Claveria, Misamis Oriental!
Biktima giilang si Bobby Lobitania, 44-anyos samtang giila ang suspek nga si Lyndon Sagantai Sagmao, 40-anyos susamang residente sa nahisgutang lugar.
Base sa inisyal nga imbestigasyon nga giingong gihulga sa biktima ang suspek hinungdan nga nabuhat ang krimen.
Apan una, nahitabo ang insidente aduna’nay panag-away ang biktima ug ang suspek.
Lango sa ilimnong makahubog ang suspek.
Matud ni Claveria Municipal Police Station Chief of Police, Police Capt. Rodel Labadan nga kanhi nang napriso ang suspek sa susamang kaso.
“..kini atong suspect naa tay previous case na priso ni sauna. Kagahapon naa silay daan nga away aning Bobby tungod sa ilang kahubog. Ang maong biktima gihiktan ang liog dayun ang iyang dughan. Kaning tawhana pod medyo anad na mupatay og tao tungod kay previously naa siyay gipatay na pod. Aminado siya nga iyang gipatay ang tao kay ingon siya aduna siya usa ka amego nga gi hurabhurab aning biktima then katong usa ka biktima niadto aning iyang amego kaning atong suspect nag sumbong. Naulit ang suspect maong gi adtuan niya nag away sila nag lalis siya iyang gi konpronta ang tao nga isog ba ka ana ana nakahawid siya sa tao mao to iyang gihiktan ang liog..”
Claveria Municipal Police Station Chief of Police, Police Capt. Rodel Labadan
Kasamtangang nakakustodiya ang suspek sa Claveria Police Station.
SOURCE: SR LIVE
Photo: MAPS
