Usa ka lalaki sa Bulua highway ning ciudad, napalgang-patay!
NAPALGAN ang usa ka patay’ng lawas sa usa ka lalaki sa Bulua Highway ning ciudad karung hapon!
Padayon pa’ng giila sa Kapulisan ang identity sa biktima tungod wala kini bisan unsang ID’s o legal documents.
Gipangita sa Kapulisan ang giingong kauban sa biktima nga kanunay’ng kainom aron maghatag og impormasyon kabahin niini.
Posible’ng kagabii o kaganihang kadlawon namatay ang biktima tungod migahi na kini.
Matud ni Police Station 7 Bulua Assistant Investigator Police Staff Sergeant Jovanie Paulo Sierras nga sa inisyal nga imbestigasyon wala’y foul play sa kamatayon sa biktima.
“..isa ka lalaki nga permenteng ga inom wala karon sa area sila man gyud permente uban posible nga siya among lead nga para makuhaan og identity tung namatay nga tao. Naay samad sa lawas kanang kumagko sa iyang tiil posible kibali ga tungkod man kay naa siya abay tungkod. Estimated base sa iyang appearance naa sa 45 – 50 years. Gabii or kadlawon kay gahi naman ang lawas base sa among initial investigation walay foul play ang kamatayon. Naila siya sa mga tao nga permente gyud mahubog ug diha ra matulog sa kilid..”
Police Station 7 Bulua Assistant Investigator Police Staff Sergeant Jovanie Paulo Sierras.
SOURCE: SRLIVE
Photo:SRLIVE
