30-Pesos matag kilo nga bugas, posible karung Hulyo!

POSIBLE ang 30-pesos matag kilo nga bugas sa pinili’ng mga lugar sa nasud karung Hulyo!
Matud ni House Speaker Martin Romualdez nga gitrabaho sa Kongreso ang tinguha kauban ang Department of Agriculture kon DA.
Gilantaw karun sa DA ang mga lugar diin mahimong available sa publiko ang mga barato’ng well-milled rice.
Gidugang sa House Speaker nga bisan dili gilayon kini makab-ot sa tibuok nasud, atleast masugdan sa mga pinili’ng lugar.
Hinuon, bitbit niini ang tinguha nga mapanghimuslan sa tibuok Pilipinas ang barato’ng bugas ilabina sa pagtapos sa pag-amyendar sa Rice Tarrification Law.
Mapalit ang mga barato’ng bugas ubos sa NFA sa Kadiwa stores.

SOURCE: GMA NEWS
Photo: ABS CBN