Panagbangga tali bao-bao ug bus sa Laguindingan, Misamis Oriental, tulo ka bulan nga bata-patay!

DEAD on arrival ang tulo (3) ka bulan nga bata’ng lalaki nga sakay sa bao-bao sa Laguindingan, Misamis Oriental!
Human sa panagbangga tali bao-bao ug pampasahero’ng bus sa lugar.
Giila ang driver sa bao-bao nga si Gio Acol ug residente sa, Mauswagon Laguindingan samtang giila ang driver sa bus nga si Frederic Maglangit, 41-anyos ug molupyo sa Barangay Patag ning ciudad.
Base sa report nga sakay sa bao-bao ang asawa ug ang duha ka anak ni Acol nga nagpangidaron og siyam ka tuig ug tulo ka bulan.
Matud ni Laguindingan Municipal Police Station Investigator On-Case Police Corporal Henry Afbal nga sa inisyal nga imbestigasyon paingon sa Cagayan de Oro ang bao-bao ug pasulod sa Laguindingan terminal ang bus.
Apan, pag-abot sa lugar sa nahitaboan, nawad-an og control sa manibela ang driver sa bus hinungdan nga nabanggaan ug nalagpot ang bao-bao.

“…3 months old nga lalaki, unfortunately kaning 3 month old nga lalaki pagdala sa hospital DOA na siya sa initial nga investigation kaning driver gikan sa Illigan nga portion padulong sa Cagayan de Oro then kining atoang rural nisulod mani sa Laguindingna terminal nigawas kani siya pag abot sa downhill portion wala siya naka apply og break na out of control sa iyang manubila mao tong na dumbol niya ning tri-cab nga nag-agi sa national highway…”
Laguindingan Municipal Police Station Investigator On-Case Police Corporal Henry Afbal.

Samtang, kasamtangang detinado ang driver sa bus sa Laguindingan Municipal Police Station.

SOURCE: #16
Photo Source: Agbalog Amit El Beckier; Laguindingan MPS