Central Luzon, Metro Manila ug Calabarzon nag una sa dengue cases

NAG-UNA ang Central Luzon, Metro Manila ug Calabarzon sa adunay pinaka-taas nga dengue cases sa Pilipinas sulod sa upat ka semana!
Sa datos sa DOH adunay kinatibok-ang 21,566 dengue cases ang natala sugod Hunyo 26 hangtud Hulyo 23 ning tuiga.
Ang Central Luzon mitala og 5,186 cases, gisundan sa Metro Manila nga adunay 2,374 cases ug Calabarzon nga mitala og 2,178 cases.
Mas taas og 118-percent ang kaso karung tuiga kung itandi sa susamang period sa milabay’ng tuig.
Hisayran nga siyam sa dise-siete (17) ka rehiyon sa nasud ang milapas sa epidemic threshold sa nakalabay’ng upat ka semana.