Duha ka myembro sa LGBTQIA+ community ug construction worker sa managlahing lugar sa Misamis Oriental, napalgang-patay!

NAPALGANG-PATAY ang duha ka myembro sa LGBTQIA+ Community ug construction worker sa managlahing lugar sa Misamis Oriental!
Unang napalgan ang 20-anyos nga binabaye sa Purok 1 Barangay Casinglot, Tagoloan, Misamis Oriental.
Biktima giila’ng si John Michael Cerna, 19-anyos, ug residente sa Zone 13, Sta. Cruz, Tagoloan.
Base sa inisyal nga imbestigasyon nga nag-inom ang biktima kauban ang duha ka lalaki.
Gituohang gigulgol ug gibundakan ang li-og ug ulo sa biktima hinungdan sa hinanaling kamatayon.
Narekober sa crime scene ang bato ug botelya nga gigamit sa mga suspek.
Matud ni Tagoloan Municipal Police Station Investigator On-Case Police Corporal Jenard Israel nga padayong gi-imbestigaran sa otoridad ang motibo sa pagpatay.
Samtang, gilantaw sa Kapulisan ang mga CCTV sa area aron matumbok ang mga responsable.

“…ang motibo amo gyud siyang tanawon, mao na among pinaka una nga tanawon ang motibo then ang tanan nga posible nga naay CCTV para ma identify namo ang nag buhat ato sa iyaha, aside sa naka kita duha ka laki ang kauban niini kagabii diri nag inum diri rapud nga area kagabii nakita sila diri, katong bato nga gigamit ug katong buak nga parte sa botelya maoy gigamit sa pag-gulgul sa iyang liog…”
Tagoloan Municipal Police Station Investigator On-Case Police Corporal Jenard Israel.

SOURCE: SRLIVE
Photo Source: SRLIVE

Samtang, napalgang-patay ang laing LGBTQ member nga pipila ka adlaw ng missing sa Paglaum, Camaman-an ning ciudad!

Biktima giilang si Gilbert Arcebal, 33-anyos, medical representative ug residente sa Kinawe, Libona, Bukidnon.
Base sa inisyal nga imbestigasyon nga tulo ka batan-on nga nag-jogging ang nakakita sa biktima nga nagbuy-od sa kasagbotan nga bahin sa nahisgutang lugar.
Hinungdan nga gilayon kini’ng mireport sa Kapulisan.
Gibutyag nga nawala ang Suzuki raider ug apple cellphone sa biktima.
Matud ni Police Station 2 Cogon Commander Police Capt. Abdulcajar Armama nga dili pa mapiho kung unsa ang gikamatyan sa biktima.
Padayon pa’ng gilantaw sa Kapulisan ang posible’ng motibo sa pagpatay.

“…on going pa gyud ang atong investigation sa nahitabo, gi kuan man pud nato ang pamilya nga mag undergo og autopsy gyud para ma determine ang cause of death gyud sa founded body nato…”
Police Station 2 Cogon Commander Police Capt. Abdulcajar Armama.

SOURCE:SRLIVE
Photo Source: SRLIVE