COWD, dako’g tiyansa nga dili maputlan og supply sa tubig!
DAKO’g tiyansa nga dili maputlan og supply sa panubig ang Cagayan de Oro Water District kon COWD!
Nunot sa kabalaka sa tanang nga posibleng i-disconnect sa Cagayan de Oro Bulk Water Incorporated kon COBI ang water supply karong alas 11:59 sa gabii.
Matud ni COWD General Manager Antonio Young nga paningkamutan sa board sa ikaduhang hugna sa negosasyon karong hapon nga magkasinabot ang COWD ug COBI sa pamaagi o terms aron ang masulbad ang isyo sa legal nga pamaagi.
“… yes kay mao man jud na ang atong tinuha nga dili lugar ma putol ang tubig mag continue, ug mag ka sinabot lang kami nga unsaon namo pag deal ang kani na situation ug mag hatag og kana bang agreement nga mangita og mga legal na basehan, lugar ma acknowledge siya as favorable sa water district. Mao man jud na permi ang gina balik balik nato sa ila na ang legal na lugar ang basehan, kay wala man jud siya ma acknowledge sa atong book of accounts niadtong panahon sa 2021, until karon wala man siya na butang dadto, so unsa man dayun atong legal na pama-agi para ma acknowledge siya para dili pod kita ang ma butang sa alaot nga ang katong nag allow sa payment mao na hinuon ang ma dis-allow sa COA puhon ug ugali lugar pag audit nila sayup ang gi buhat na action sa mga opisyales sa water district…”
COWD General Manager Antonio Young
SOURCE: SHV
Photo: GMA Network
