Joint Operation sa kasundalohan ug kapulisan sa Quezon Bukidnon, usa ka NPA Leader patay!

PATAY ang usa ka high-ranking NPA Leader sa Guerella Front 57 sa hiniusang operasyon 1003rd Infantry Raptor Brigade ug Quezon Municipal Police Station sa Barangay Butong Quezon City!
Matud ni 10th Infantry Division Public Affairs Office Spokesperson Major Mark Tito nga mag-serve unta og warrant of arrest batok kang “Alyas Tomboy” apan pag-abot sa area kalit nagpa-ulan og bala ang upat ka miyembro sa NPA hinungdan nga napusilan ang leader.
Gawas sa patay, malampusong nadakpan ang tulo (3) ka kauban ni Alyas Tomboy atol sa engkwentro.

“..naay engkwentro nahitabo kagahapon, law enforcement operation nga gi launch sa 1003rd Infantry Raptor Brigade ug kaning Quezon Municipal Police Station naa unta silay i-serve nga warrant of arrest for the crimes of murder, Multiple attempted homicides and Violation of Republic Act 10591. Pero while padulong atong tropa didto gipabuthan na sila sa kaning armadong grupo nga nag resulta sa engkwentro. Mao to nagka engkwentro ang atong kasundaluhan ug komunista teroristang grupo and as a result napatay sa engkwentro si Alyas Tomboy ug naa poy tulo nga na capture..”
10th Infantry Division Public Affairs Office Spokesperson Major Mark Tito

Samtang nakumpiskar sa area ang nagkalaing-laing klase sa mga tag-as nga armas ug uban pang bladed weapon.

“…na recover ang dagkong mga armas. Naay tulo ka bag pack, mines, granada ug duha sa explosive. Pagkahapon tungod nag conduct tag pursuit operations nag surrender ang kaning isa ka kauban nila..”
10th Infantry Division Public Affairs Office Spokesperson Major Mark Tito

SOURCE: PI#7
Photo:10th Infantry “Agila” Division, Philippine Army