Full Red alert status, giisa sa City Fire District!
GI-isa na ang Full Alert status sa Cagayan de Oro Fire District aron masiguro nga daling maka-responde panahon kung aduna’y sunog nunot sa pagbalaan sa Semana Santa!
Matud ni City Fire District Information Officer Chief Fire Inspector Samson Velarde nga ubay-ubay ka mga sakop ang ipakatag ug naka-standby ang tanang fire truck sa nagkalaing lugar nga sagad dagsaan sa katawhan.
Magpadayon usab ang rekorida sa kadalanan aron mapasidan-an nga palungon ang tanang nakasaksak nga kuryente ug mga nilung-ag panahon kung mobiya sa panimalay aron manaad sa mga balaang lugar.
“…taas na ang alert status sa atong kabomberohan kay naapud tay mga deployment sa mga lugar nga kasagarang adtoan sa atong mga devotees like kaning sa Guadalupe, sa Malasag Area naa pud tay ipang deploy diha naa pud tay fire truck nga naka standby incase…”
City Fire District Information Officer Chief Fire Inspector Samson Velarde.
SOURCE: PI#7
Photo Source: BFP
