Mga Foreign Guest nga wala gitugutang makasulod sa Pilipinas, mahimong magpabilin una sa lodging facilities sa NAIA!

MAHIMONG magpabilin una sa lodging facilities sa Airlines ang mga Foreign Guest nga wala gitugutang makasulod sa Pilipinas!
Human mikatag ang report nga gipasagdan ang mga pasahero nga matulog sa bangko og mga cardboard boxes sa Ninoy Aquino International Airport kon NAIA.
Matud ni Manila International Airport Authority kon MIAA General Manager Eric Ines nga nakigtagbo kini sa Airline Operators Council kon AOC ug Philippine Airlines kon PAL aron hisgutan ang paghandle sa mga excluded passengers.
Giklaro sa opisyal nga nasabutan nga ipagamit una ang Passenger lodging facilities sa mga pasahero samtang nagpa-abot nga makabalik sa ilang nasud.
Hisayran nga ang pasilidad aduna’y kaugalingon katre, storage space, toilet and bath, charging station ug simple nga dining area.

SOURCE: INQUIRER
Photo Source: PORTCALLS