Business permit ug manufacturing license sa usa ka dakong Vape Company, gipatangtang sa Kamara!

GIPATANGTANGAN og business permit ug manufacturing license sa panel sa Kamara ang usa ka dakong Vape company!
Tungod sa pagsupak sa vape law nga nag-protektar sa mga menor-de edad.
Base sa Committee report sa House Panel, nasuta nga nalambigit ang Flava Corporation sa tax evasion, marketing sa mga aduna’y flavor nga vapes alang sa mga batan-on ug pagsupak sa Republic Act kon RA No. 11900 o Vaporized Nicotine and Non-Nicotine Products Regulation Act.
Gi-aghat ni House Committee on Ways and Means Chair ug Albay 2nd District Representative Joey Salceda ang Securities and Exchange Commission kon SEC nga imbestigaran ang Flava tungod sa giingong pagsupak sa Revised Corporation Code..
Una nang gikumpirmar ni Cagayan de Oro 2nd District Representative Rufus Rodriguez nga anaa sa 728 million pesos ang wala nabayrang tax revenues tungod sa mga technical smuggling sa 1.43 billion pesos nga kantidad sa gidiling Flava electronics cigarettes sa milabay’ng tuig.

SOURCE: PHILSTAR
Photo Source: MIST