Pipila ka ahensya sa gobyerno, gimandoan ni President Marcos Jr., nga tun-an ang mga pamaagi aron matubag ang inflation!

HUGTANONG gimando ni President Ferdinand Marcos Jr., sa pipila ka ahensya nga tun-an ang mga pamaagi aron matubag ang inflation!
Sa press briefing, gibutyag ni Department of Social Welfare and Development kon DSWD Secretary Rex Gatchalian nga gihimo sa Presidente ang kamandoan atol sa sectoral meeting uban ang National Economic and Development Authority kon NEDA ug Philippine Statistic Authority kon PSA.
Giklaro sa kalihim nga gihimo sa economic team ang tanan aron mapa-ubsan ang inflation sa nasud.
Apan samtang gihimo kini padayong gi-protektaran ang peso value sa mga grants nga gigahin sa gobyerno susama na lamang sa 4Ps ug uban pang programa sa gobyerno.
Samtang nakig-koordinar na ang DSWD sa NEDA ug PSA aron makapangita og “best index” nga magamit aron maka-adjust sa government grants.

SOURCE: PHILSTAR
Photo Source: US-PH SOCIETY