Motorsiklista nga mibangga sa de-pasaherong jeep sa Igpit, Opol Misamis Oriental, nalangkat ang ulo patay!
DEAD on the spot ang usa ka motorsiklista nga nalangkat ang ulo human head-on nga mibangga sa usa ka de-pasaherong jeep sa Zone 7-A Igpit, Opol Misamis Oriental!
Biktima giilang si Elpedio Magpulong, 59-anyos, menyo, ug residente sa Barangay Bulua ning ciudad samtang giila ang driver sa jeep nga si Jimmy Pagapulaan, 58-anyos, menyo ug molupyo sa Molugan, El Salvador City.
Base sa inisyal nga imbestigasyon nga paingon sa managlahi’ng direksyon ang duha ka vehicle, apan pag-abot sa lugar sa nahitaboan kalit lamang mi-overtake ang motorsiklista hinungdan nga head-on nga mibangga sa jeep nga miresulta sa pagkalangkat sa ulo.
Gibutyag usab nga kusog ang padagan sa biktima ug giingong lango sa ilimnong makahubog.
Matud ni Opol Municipal Police Station Investigator Police Staff Master Sergeant Arniel Villamor nga wala’y sul-ob nga helmet ang biktima.
“..running too fast then encounter flow nga linya. Jeepney traversing siya pa Molugan heading towards Cagayan de Oro City dayun opposite direction silang dalawa. Sa insidente biglang shove sa pikas lane si motorcycle dayun na head on sila. Naay siya helmet pero gibitay lang sa iyang motor…”
Opol Municipal Police Station Investigator Police Staff Master Sergeant Arniel Villamor
Samtang, nagka-amicable settlement ang kampo sa biktima ug ang driver sa jeep human abagahon ang mga galastohon sa pagpahiluna sa patay’ng lawas sa biktima.
SOURCE: SRLIVE
Photo: Opol Pnp
