Sugyot nga 100 pesos nga usbaw sa minimum wage sa mga empleyado sa pribadong sektor, aprobado sa third reading sa Senado!

GI-APROBAHAN sa Senado sa third reading ang Senate Bill No. 2354, nga nagtinguha sa 100 pesos daily minimum wage increase sa mga employees ug workers sa pribadong sektor!
Baynte (20) ka senador ang mipabor, zero negative vote ug wala’y abstentions.
Giklaro ni Senator Chiz Escudero nga base sa existing nga balaod, exempted ang mga establishmento’ng adunay ubos sa napulo ka empleyado, establishmento nga adunay 3 million nga capital ug mga barangay micro business enterprises.
Matud ni Bill sponsor Senator Jinggoy Estrada nga makapadasig sa ekonomiya ang taas nga minimum wage.
Gibutyag usab ni Majority Floor leader Joel Villanueva nga ang pagtaas sa minimum wage, aduna lamang minimal impact sa inflation ug ubos nga probability nga mawad-an og trabaho ang mga empleyado.

SOURCE:ABS-CBN NEWS
Photo: BusinessMirror