400 billion pesos nga kantidad sa foreign investment pledges sa Pilipinas sa ulahing bahin sa 2023, natala!

DUL’AG 400 billion pesos ang kantidad sa foreign investment commitments nga natala sa Pilipinas sa ulahing bahin sa 2023!
Base sa pamahayag sa Philippine Statistic Authority kon PSA nga mikabat sa 394.45 billion pesos ang na-aprobahang foreign investment pledges sa investment promotion agencies sa nasud gikan sa Oktubre hangtud Disyembre 2023.
Mas taas og 127.2 percent itandi sa 173.61 billion pesos nga kantidad sa investment commitment nga na-secured sa susamang period niadtong 2022.
Naggikan ang aprobadong foreign investment sa Authority of the Freeport Area of Bataan kom AFAB, Board of Investments kon BOI, Clark Development Corporation kon CDC, Philippine Economic Zone Authority kon PEZA, ug Subic Bay Metropolitan Authority kon SBMA.
Samtang , sa kinatibuk-ang total foreign investment pledges, ang Netherlands ang pinakadako’g investment commitment.

SOURCE: GMA NEWS
Photo:Inquirer Business