Gibana-banang damyos sa sunog sa accretion Barangay Macabalan ning ciudad, mikabat sa kapi’g 800-mil pesos!
MIKABAT sa kapi’g 800-mil pesos ang damyos human gilamoy sa kalayo ang walo ka panimalay sa accretion Barangay Macabalan ning ciudad kaganihang buntag!
Matud ni Macabalan Fire Station SFO2 Jezreel Lazaga nga gi-isa ang third alarm sa sunog tungod daghang panimalay nga nakalapalibot sa area.
Gi-angkon sa opisyal nga daghang factors sa pag-responde sa lugar usa niini ang traffic ug ang kahuot sa dalan.
Migawas sa initial nga imbestigasyon nga nagsumikad ang kalayo sa panimalay ni Rogelio Laluna apan padayon pa kining gipa-ubos sa imbestigasyon.
Samtang padayong gi-verify kung aduna’y nasamdan sa maong insidente.
“…8 ka houses then 2 ka partially damage . Initial estimated damage 813,000. Alarm is 3rd alarm. On going pa ang investigation. Daghang factors ang mga tao then traffic, gagmay ang dalan. Didto sa panimalay ni Rogelio Laluna. Nag hikay sila og pagkaon Kay birthday didto sa 2nd floor natingala sila nag develop na ang fire nag cheating effects na, na detain ng area bakwit na sila tanan…”
Macabalan Fire Station SFO2 Jezreel Lazaga
Samtang gipamugos ni Rogelio “Loloy” Laluna nga sa ilang silingan nagsumikad ang kalayo tungod wala tawo ug igo lamang mikatay ang kalayo sa ilang panimalay.
“..main line gikan sa atbang balay didto gikan ang sunog gidakop na dayon tong mga wire paingon sa balay dayon. Silingan namo, kay didto gikan ang siga gyud. Problema wala nasalbar lagi hurot tanan..”
Rogelio “Loloy” Laluna
SOURCE: SR Live
Photo: SR Files
