Vice Mayor Rodriguez, nagdumili sa pagtubag sa pasi-aw ni Mayor Uy nga ibalik na ang maayong relasyon kang Councilor Esparcia ug Judith!
NAGDUMILI sa paghatag og tubag si Vice Mayor Jocelyn “Bebot” Rodriguez!
Kalabot sa pasi-aw ni Mayor Rolando Uy nga ibalik na ang maayong relasyon tali kang Councilor Malvern Esparcia ug Councilor James Judith!
Matud ni Vice Mayor Rodriguez nga no comment una kini sa nahisgutang isyu apan gipasalig nga ipabilin ang patas nga pag-tratar sa mga konsehal sa dakbayan panahon kung anaa sa trabaho.
“..no comment ko, actually fair akong treatment sa tanan wala koy pinalabi walay kontra panahon sa session. Pareha ra tagaag tsansa tanan maka istorya, pareha akong treatment sa tanang mga councilors akong mga kaila, dili kaila, kontra, amego pareho tanan tagaag tsansa maka istorya sa session..”
Vice Mayor Jocelyn “Bebot” Rodriguez
Una niini, gipalagpot sa bise mayor si Esparcia ug Judith sa partidong Centrist Democratic Party of the Philippines kon CDP human nahibaloan nga buot sa duha ka konsehal nga mopasilong sa partido ni Mayor Rolando Uy.
SOURCE: SBPSH
Photo:CdeO City Council
