Pag livestream sa matag session sa Sangguniang Barangay, dili pugsanay.

GIKLARO ni Coucilor Atty. James Judith nga wala gipugos ang mga barangay nga wala’y signal o internet sa pag-live stream sa session!
Human sa sugyot nga I-required sa tanang Sangguniang Barangay ug Sangguniang Kabataan sa ciudad nga mag-facebook/youtube live streaming atol sa pagpahigayon og regular session.
Matud ni Councilor Judith nga mahimong video recording ang himoon sa Barangay nga wala’y signal tungod mahimo kining ma-post sa social media bisan dili na realtime.
Ang mahinungdanon lamang nga aduna’y suporting evidence o kopya sa gihimong panangtigum.

“…wala nato sila gipugos nga kung dili gyud madala tungod kay naay problema sa collection nga dili nato ma control naa diha naka butang diha sa ordinansa pwede nila i-video recording, ang importante man gud nga naay video recording pwede ma review kung naay katawhan nato gusto i-confirm nila kung tinuod ba gyud, ma-confirm nila pinaagi sa pagkuha ato nga video recording…”
Coucilor Atty. James Judith.

SOURCE: SBPSH
Photo Source: Mindanao Gold Star Daily