Rehiyon mitala og pagsaka sa road accident karung tuiga.
MISAKA ang road accident sa rehiyon karung tuiga!
Kini ang gibutyag sa Highway Patrol Group kon HPG-10.
Gibutyag ni HPG-10 Regional Chief Police Col. Benito Recopuerto nga midaghan ang disgrasya sa kadalanan tungod sa paglu-ag sa kadalanan ug wala pagsunod sa gabayan sa trapiko.
Sa laing bahin mitala og walo (8) ka carnapping incident ang HPG-10 karung bulana!
Kasagaran sa na-carnap mga motor.
Matud ni Police Col. Recopuerto nga 50 percent sa na-carnap ang narekober o nauli sa tag-iya.
Wala’y pu-as ang buhatan sa pagpaningkamot nga marekober ang ubang motorsiklo nga gikawat ug masang-at ang kaso batok sa responsable.
“…taas ta og kining mga gitawag nato nga mga technical carnapping ug kining mga stolen while park unattended sa mga balay ilabi na sa mga motorsiklo, sa tuig 2024 naa natay pipila ka mga recorded nga motorsiklo although ang uban na-recover lang mga minor lang kasagaran nato nga na carnap mga motorsiklo gyud, mokabat na kita karon sa 8 more than 50% mga lima ang naibalik o na recover nato ug uban na filan sa kaso, naay pipila nga wala ma recover…”
HPG-10 Regional Chief Police Col. Benito Recopuerto.
SOURCE: SRLIVE
Photo Source: Regional Highway Patrol Unit 10
