CWGG sa ciudad, mipadayag nga kinahanglang aduna’y due process ang pagtangtang sa usa ka miyembro sa political party.
KINAHANGLANG aduna’y due process ang pagpalagpot sa usa ka miyembro sa political party!
Kini ang nahimong pahayag sa Citizens Watch for Good Governance kon CWGG sa ciudad kalabot sa duha ka konsehal nga gitangtang sa partidong Centrist Democratic Party of the Philippines kon CDP.
Matud ni CWGG Lead Convenor Atty. Antonio Soriano nga dili mahimong makapalagpot sa partido ang usa lamang individual o miyembro tungod kinahanglang desisyonan pa kini kinatibok-ang partido.
Giklaro sa opisyal nga kinahanglang aduna’y bug-at nga grounds una matangtang sa usa ka miyembro sa partido.
“…ang usa ka membro o opisyal sa usa ka partido dili man makapalagput sa ilang mga membro it has to be the assembly o kaning ilang gitawag nga management, personally dili makapalagput but then pwede siya ma request nga if nilagput na sila ikaw mag sulti nga nilagput na sila, so kanang sulti siguro nga gipalagput sila sa Vice Mayor basig kulang na kay ang magpalagput man gyud ana ang partido mismo dili ang usa ka tao, kung valid lugar ang pagpalagput unsa man sad ang reason nganong gipalagput sila? kana man atong mapangutana kung duna bay valid reason nga gipalagput sila, sa akong pagtoo ipalagput lang ang usa ka membro kung dunay nahimu nilang disloyalty…”
CWGG Lead Convenor Atty. Antonio Soriano.
SOURCE: SH&V
Photo Source: Philippine RedCross FB PAGE
