Councilor Esparcia mi-angkon nga nasakitan sa ha-it nga mga pulong ni Vice Mayor Rodriguez.

GI-ANGKON ni Councilor Malvern “Bitok-Bitok” Esparcia nga nasakitan kini sa mga ha-it nga pulong nga gibuhian ni Vice Mayor Jocelyn “Bebot” Rodriguez batok kaniya!
Apan, gidawat niini ang tanang mga sakit nga pulong sa Bise-Mayor tungod aminado kini’ng adunay sala.
Matud ni Councilor Esparcia nga kung hatagan kini og higayon nga mobiya sa politika buhaton niini nga wala’y pagduha-duha.
Gibutyag usab sa opisyal nga posible’ng ma-apektohan sa isyu ang trabaho sa City Council.
Dako og posibilidad nga dili na sila tugutan nga maka-special report, ug dili pirmahan ang budgeting, ug ingon man ang pagkadelatar sa mga ordinansa’ng giduso.

“…na problemahan ko kay tanan namong papel, tanang budgeting, tanan namong kuan sa tao moagi na tanan kang Vice Mayor so pwede na nga dili sa niya permahan tungod sa iyang kalagot mapadaplin so medyo matangong gyud ta ani, apil sa mga suggestion niani bisan pag magpataas tag kamot for special report kay siya man gihapon ang mo approve, ako lang ning kuan kung unsay posible ha, posible pud dili na siya mo sugot nga mag special report mi, way siguro mag change napud mig sitting arrangement ibutang nami sa likod…”
Councilor Malvern “Bitok-Bitok” Esparcia.

Una nang giklaro sa opisyal nga buot lamang niini nga magpa-adopt sa partido ni Mayor Uy tungod sa suporta’ng gihatag sa empleyado ug proyekto.
Hisayran nga gipalagpot si Councilor Malvern Esparcia ug Councilor James Judith sa CDP party-list human sa giingong pagtraydor sa duruha.

SOURCE: SBSPSH
Photo Source: Councilor Malvern “Bitok-Bitok” Esparcia FB PAGE