Vice Mayor Rodriguez, namahayag nga dili na dawaton ang duha ka konsehal nga gipalagpot sa partido!
BUO na ang desisyon ni Vice Mayor Jocelyn “Bebot” Rodriguez nga dili na niini dawaton ang duha ka Councilor nga gipalagpot sa Centrist Democratic Party kon CDP!
Human giingong nagtraydor sa partido.
Matud ni Vice Mayor Rodriguez nga mas maayon’g mangita na lamang kini og kabalhinan nga partido, sakit man pamalandungon nga taas nga panahon sila nga nag-uban-uban apan kinahanglang undangon tungod managlahi na ang matag prinsipyo.
Gidugang pa nga imposible’ng mangayo og pasaylo ang duruha tungod magpakarung-ingnon kini nga eksakto ang nahimong desisyon.
“..swerte mo dawaton mo ni Mayor o mangita mog lain partido because dili na gyud. Humana ang atong pagkuyog-kuyog, sakit man pila ka tuig sakit man pero undaon tana kay kung lahi lahi man ang prinsipyo sa kinabuhi. Ako gani masuko bulgar tanan…”
Vice Mayor Jocelyn “Bebot” Rodriguez
Dumduman nga wala direkta’ng gipanganlan sa opisyal ang duha ka Councilor apan giingong sila’ng Councilor Atty. James Judith ug Malvern “Bitok-Bitok” Esparcia ang gipasabot sa bise-Mayor.
SOURCE: SRLIVE
Photo: CdeO City Council
