Graduating Senior high student, gipusil-patay sa Laguindingan, Misamis Oriental.

PADAYONG gipangita sa Kapulisan ang responsable sa pagpusil-patay sa usa ka graduating nga senior high student sa Purok 6 Magsaysay Poblacion, Laguindingan, Misamis Oriental!
Biktima giilang si Drenz Arion Paculba, 18-anyos , single ug residente sa Purok 6, Brgy Gasi, sa susamang lungsod ug lalawigan.
Base sa sa mga nakakita nga nagmaneho ang biktima sa single motorcycle Honda RS12 paingon sa usa ka convenience store, ug aduna sila’y nakita’ng laing duha ka individual nga nagtindog duol sa crime scene ug sa ilang pagbalik sa lugar napalgan na lamang nila ang biktima nga nagbuy-od sa dalan.
Gibutyag sa mga witness nga ang usa ka suspek nagsul-ob og ball cap ug puti nga t-shirt samtang dili nila mapiho ang description sa laing suspek tungod sa kangitngit sa lugar.
Matud ni Laguindingan Municipal Police Station Investigator on Case Police Chief Master Sergeant Mark Valles nga posibleng misukol ang biktima human gi-atangan sa mga wala mailang responsable nga gituohang mi-carnap sa motor.
Gawas sa motor nawala usab sa possession sa biktima ang cellphone.
Naka-angkon ang biktima og samad-pinusilan sa likod nga parti sa ulo hinungdan sa hinanaling kamatayon.
Narekober usab sa SOCO ang usa ka empty shell sa gituohang .45 mm.

“…ang biktima naka angkon kini siya samad sa ulo, sa likod nga bahin sa ulo nilahos sa iyang mata, sumala sa SOCO nga posibleng armas ang gigamit hinungdan sa kamatayon sa biktima, human ato nga panghitabo ang motor sa biktima apil iyahang cellphone nawala posible nga gidala gyud sa mga suspetsado…”
Laguindingan Municipal Police Station Investigator on Case Police Chief Master Sergeant Mark Valles.

SOURCE: #16/LMPS
Photo Source: Laguindingan MPS