Mga suspek sa mibanhig-patay sa duha ka sundalo sa Munai Lanao del Norte, padayong giila sa kapulisan!

PADAYONG giila ang mga suspek sa mibanhig-patay sa duha ka sakop sa 51st Infantry Battalion sa Barangay Ninimbing Munai Lanao del Norte kagahapong adlawa!
Matud ni PRO-10 Spokesperson Police Major Joanne Navarro nga sakay ang duha ka biktima sa motorsiklo apan gibabagan kini ug kalit na lamang gipamusil sa wala mailang mga responsable.
Giklaro pa ni Major Navarro nga padayong gisuta sa Munai Municipal Police Station ang motibo o anggulo sa pagpatay sa mga biktimang sundalo.
Samtang hugtanong gikundinar sa PRO-10 ang nahisgutang insidente.

“..adunay report nga nadawatan nga shooting incident didto nahitabo sa area sa Ninimbing Munai Lanao del Norte. Adunay nakita nga patay’ng lawas duha kini kabuok. Ang maong duha ka biktima are members of the 51st Infantry Battalion Philippine Army. Ang kaning duha ka biktima nagsakay sa ilang motorsiklo, allegedly giharangan sila og didto nahitabo ang pagpamusil sa duha ka biktima..”
PRO-10 Spokesperson Police Major Joanne Navarro

SOURCE: SBPSH
Photo: PRO-10