Utang sa Pilipinas mikabat sa 14.51 trillion pesos niadtong Nobyembre 2023!

MISAKA sa 14.51 trillion pesos ang utang sa Pilipinas niadtong Nobyembre 2023!
Mas taas og 27.92 billion pesos itandi niadtong Oktubre.
Gibutyag sa Bureau of Treasury nga ang pagtaas sa utang sa Pilipinas tungod sa issuance sa domestic securities.
Mitala og 69.09 percent ang domestic borrowings sa total debt stock samtang 30.91 percent ang foreign borrowings.
Balor 10.02 trillion pesos usab ang kinatibuk-ang domestic debt sa national government sa katapusan niadtong Nobyembre mas taas og 94.15 billion pesos o 2.06 percent itandi sa milabay’ng mga bulan.
Apan, ang foreign debt misaka ngadto sa 323.8 billion pesos o 7.7 percent gikan sa katapusang bahin niadtong Disyembre 2022.
Hisayran nga midoble ang utang sa nasud sulod sa pito ka tuig tungod sa tinguha’ng mapondohan ang mga dagkong proyekto sa imprastraktura ug pandemic response.

SOURCE: ABS-CBN NEWS
Photo:Philippine Star