“Masagana 150” ug “Masagana 200” rice programs, ilunsad karung Oktobre!

ILUNSAD karung Oktobre ning tuiga ang “Masagana 150” ug “Masagana 200” rice programs ni President Ferdinand Bongbong Marcos Jr.!
Kini ang gikompirmar ni DA Assistant Secretary Arnel de Mesa.
Dumdoman nga early this month gimando ni President Marcos Jr. ang pag-operate sa nahisgutang mga programa nga sugyot ni kanhi DA Secretary William Dar.
Ang Masagan 150 makahatag og 7.5 tons sa inbred rice matag ektarya sa production cost nga 8.38 pesos matag kilo ug moresulta sa 50-thousand pesos nga net profit matag ektarya sa mga mag-uuma base sa 27.50-pesos per kilogram.
Samtang, ang Masagana 200 makahatag usab og 10 tons sa hybrid rice matag ektarya sa production cost nga 7.82 pesos matag kilo.
Moresulta kini sa 70-thousand pesos nga kita sa mag-uuma base sa market price nga 27.50-pesos per kilogram.
Ang Masagan Programs pundohan ubos sa DA’s 15 billion pesos National Rice Program ug 10 billion pesos Rice Competitiveness Enhancement Fund.